Cənub bölgəsində seldən zərər çəkmiş vətəndaşlara kompensasiya ödəniləcək. Bu haqda martın 29-da Milli Məclisin aqrar siyasət komitəsinin sədri Tahir Rzayevə istinadən Sputnik Azərbaycan məlumat yayıb.
Komitə sədri bildirib ki, artıq selin əhaliyə vurduğu zərərin hesablanmasına başlanıb.
19 mart 2022-ci il tarixində gecə saatlarından başlayan intensiv yağışlar nəticəsində Masallı və Cəlilabad rayonlarında sel və daşqın baş verib. Rayonlarda fərdi evlər, həyətyanı və əkin sahələri, digər obyektlər subasmaya məruz qalıb. 39 nəfərin təxliyəsi həyata keçirilib.
