Lənkəran sakininin idarə etdiyi avtomobil yük maşını ilə toqquşub. Bu barədə İnsanoid Daxili İşlər Nazirliyinə istinadən bu gün, 24 dekabr tarixində xəbər verir.
Dekabrın 23-də saat 04:00 radələrində Masallı rayonunun Öncəqala kəndi ərazisində Lənkəran rayon sakini Ş.Fərəcov idarə etdiyi “Kia” markalı avtomobili qarşıda gedən “KamAZ” markalı yük maşınına çarpıb.
Nəticədə Ş.Fərəcovun avtomobilində olan sərnişinlər: həyat yoldaşı Əminə və oğlu Aslan hadisə yerində ölüblər, özü isə xəstəxanaya yerləşdirilib.
Baş İstintaq və Təhqiqat İdarəsi tərəfindən araşdırma aparılır.
