Dünən axşam saatlarında Abşeron rayonunda bədbəxt hadisə baş verib. Bu barədə Qafqazinfo 29 dekabr tarixində məlumat verib.
Masazır qəsəbəsində yerləşən çoxmərtəbəli yaşayış binasından bir nəfər şəxs yıxılaraq ölüb.
Hadisə ilə bağlı polis şöbəsinə məlumat daxil olduqdan sonra Abşeron RPŞ əməkdaşları hadisə yerinə cəlb olunublar. Məlum olub ki, həmin şəxs binanın 13-cü mərtəbəsindən yıxılıb.
Vəfat edən şəxsin 24 yaşlı Məhəmmədəli Əmiraslanov olduğu müəyyən edilib. Hadisə yerinə ekspertlər, polis və prokurorluq əməkdaşları baxış keçirdikdən sonra meyit aidiyyəti üzrə təhvil verilib.
Mərhum bir müddət əvvəl daxili işlər orqanlarında xidmət keçmək üçün sənəd veribmiş.
