İmişlinin Kürdmahmudlu və Xəlfəli kəndlərində qazlaşdırma xətlərinin tikinti-quraşdırma işləri aparılır. İşlər yekunlaşdıqdan sonra 616 fərdi yaşayış evinin qaz təchizatı yaxşılaşacaq. Bu haqda martın 28-də "Azəriqaz" İB məlumat verib.
Belə ki, 92 min metrə yaxın yeraltı daşıyıcı və yerüstü polad borularla paylayıcı qaz xətlərinin çəkilişi nəzərdə tutulur.
Bundan əlavə, Şirvan şəhərinin İ.Qayıbov küçəsində təbii qazın təhlükəsiz çatdırılması üçün istismar müddəti başa çatan aşağı təzyiqli dairəvi qaz kəmərinin uzunluğu 765 metr olan yerüstü daşıyıcı qaz kəməri ilə əvəz olunması işləri davam edir. İşlər bitdikdən sonra 730 əhali abonentinin qaz təchizatı yaxşılaşacaq.
