"Microsoft" şirkəti Azərbaycandakı nümayəndəliyinin fəaliyyətini dayandırmır. Bu barədə 16 noyabr tarixində Report şirkətə istinadən məlumat verib.
"Microsoft"un Azərbaycan ofisi bağlanmır və ehtiyac olarsa, şirkət tərəfindən açıqlama yayılacaq", - açıqlamada deyilir.
"Microsoft Azərbaycan"dan təxminən 10-a yaxın əməkdaş ixtisar edilib, o cümlədən baş menecer Qaçay Mirzəyev və bir sıra əməkdaşlar şirkətdən ayrılıb.
Bildirilir ki, ixtisar edilən əməkdaşlar, əsasən, Rusiya və Ukraynada icra edilən və hazırda icrası dayandırılan layihələrdə çalışan işçilərdir.
Qeyd edək ki, ötən gün sosial şəbəkələrdə və bir sıra KİV-lərdə "Microsoft Azərbaycan"ın ölkəmizdəki ofisini bağlaması ilə bağlı məlumat yayılıb.
Rəqəmsal İnkişaf və Nəqliyyat Nazirliyindən bildirilib ki, Azərbaycanın "Microsoft"la əməkdaşlığı davam edir.
