Mingəçevirin Böyük Dəhnə kəndində narkotik vasitənin təsiri altında olan şəxslər mağazalardan oğurluq ediblər. Bu haqda martın 19-da Report xəbər paylaşıb.
Məlumata görə, sözügedən şəxslər üç mağazadan ümumi dəyəri 2 000 manata yaxın olan məişət əşyaları, geyimlər və kompüter oğurlayıblar.
Əməli törətməkdə şübhəli bilinən üç Mingəçevir şəhər sakini saxlanılıb. Onlar bu əməlləri törədərkən narkotik vasitənin təsiri altında olduqlarını etiraf ediblər.
Oğurlanan əşyalar saxlanılanlardan biri və əvvəllər də məhkum olunmuş şəxsin evində aşkarlanıb.
Faktla bağlı cinayət işi açılıb.
