Mingəçevirdə qanunsuz balıq ovu ilə məşğul olan şəxs saxlanılıb. Bu barədə 24 dekabr tarixində APA məlumat verib.
Mingəçevir Su Anbarının ərazisində quraşdırılan qanunsuz torlar və balıqların ovlanması üçün istifadə olunan müxtəlif növ qurğular polis əməkdaşları tərəfindən sudan çıxarılıb və qanunamüvafiq qaydada tədbirlər görülüb.
Qanunsuz olaraq balıq ovu ilə məşğul olan Yevlax şəhər sakini Elnur Hüseynov saxlanılıb. Ovladığı 30-dan çox balıq maddi sübut kimi götürülüb.
Faktla bağlı araşdırmalar davam etdirilir.
