Xırdalanda narkotik vasitənin təsiri altında avtomobil idarə edən şəxs saxlanılıb. Bu barədə İnsanoid DİN-ə istinadən bu gün, 30 dekabr tarixində xəbər verir.
Dekabrın 28-də saat 12:00 radələrində Xırdalan şəhəri ərazisində Bakı şəhər sakini Qırxlar Bədəlov idarə etdiyi “BMW” markalı avtomobillə qayda pozduğuna görə Baş Dövlət Yol Polisi İdarəsinin əməkdaşları tərəfindən saxlanılıb.
Polis əməkdaşları tərəfindən sürücünün narkotik vasitənin təsiri altında olması müəyyən olunub və barəsində İnzibati Xətalar Məcəlləsinin 333.2-ci maddəsinə əsasən, protokol tərtib edilməklə 400 manat məbləğində cərimə olunub.
Məhkəmənin qərarı ilə Q.Bədəlov 2 il müddətinə sürücülük hüququndan məhrum edilib.
