Abşeronda narkotik vasitənin təsiri altında mikroavtobus idarə edən şəxs həbs olunub. Bu barədə dekabrın 9-da DİN-dən bildirilib.
Belə ki, Binəqədi rayonu ərazisində “İsuzu” markalı mikroavtobus yol nişanının tələbini pozduğuna görə yol polisi tərəfindən saxlanılıb. Sürücü, Abşeron rayon sakini Kənan Həzrətquliyevin narkotik vasitənin təsiri altında olması müəyyən edilib.
Onun barəsində İnzibati Xətalar Məcəlləsinin 333.4-cü və 327.1-ci maddələri ilə protokol tərtib olunaraq Binəqədi rayon Məhkəməsinə göndərilib.
Məhkəmənin qərarı ilə K.Həzrətquliyev 2 il müddətinə sürücülük hüququndan məhrum edilməklə 15 gün müddətinə inzibati qaydada həbs olunub.
