“Əli və Nino” kitab mağazaları şəbəkəsinin və Milli Kitab Mükafatının təsisçisi Nigar Köçərli iki şirkətini ləğv edir. Bu barədə 6 dekabr tarixində Report məlumat verib.
Azərbaycanda eyni hüquqi ünvanda dövlət qeydiyyatına alınmış "Əli və Nino Qrup MMC" və "Nigar 1975" MMC ləğv olunduqlarını elan edib.
Kreditorlar tələblərini 2 ay ərzində Bakı şəhəri, Nəsimi rayonu, Qulu Quliyev küçəsi, ev 41, mənzil 75 ünvanına bildirə bilərlər.
Hər iki şirkət 2014-cü ildə qeydiyyatdan keçib. Onların nizamnamə kapitalı müvafiq olaraq 100 manat və 10 manatdır.
Bu şirkətlərdən başqa, Nigar Köçərliyə məxsus "Əli və Nino", "Əli və Nino Nəşriyyatı" MMC-lər də mövcüddur.
