Şəmkir rayonunun Ceyrançöl ərazisində qanunsuz ov edən xarici ölkə vətəndaşları saxlanılıblar. Bu barədə İnsanoid Ekologiya və Təbii Sərvətlər Nazirliyinə istinadən bu gün, 2 dekabr tarixində məlumat verir.
Xidmət rəsmisi Bəhruz Məhəmmədovun sözlərinə görə, araşdırma zamanı brakonyerlərin Birləşmiş Ərəb Əmirliklərinin vətəndaşları Matar Mohammed Karam Al Mandoos Alblooshi, Ahmed Hamad Musabeh Khaıfan Almesafrı və Obaıd Juma Obaıd Zayed Alketbı olduğu müəyyən edilib:
“Əcnəbi vətəndaşlardan adı Azərbaycan Respublikasının “Qırmızı Kitab”ına düşən vəhşi təbiətdən tutulmuş diri vəziyyətdə 4 bəzgək quşu götürülərək yenidən təbiətə buraxılıb. Faktla bağlı akt, protokol tərtib edilib və barələrində inzibati icraat işləri başa çatanadək onların ölkə ərazisindən çıxışlarına məhdudiyyət qoyulması üçün aidiyyəti qurumlara müraciət olunub”.
