Azərbaycanda pambıq sahələrinin yeni mövsüm üçün sığortalanmasına başlanılıb. Bu haqda martın 30-da Kənd Təsərrüfatı Nazirliyindən məlumat verilib.
Aqrar sığorta pambıq sahəsini dolu, yanğın, zəlzələ, torpaq sürüşməsi, qasırğa, fırtına, sel və ya subasma, leysan, vəhşi heyvanların hücumu və sair kimi risklərdən qoruyur.
Məlumatda deyilir ki, aqrar sığorta haqqının yarısını fermerlərə dəstək üçün dövlət ödəyir. Sığorta haqqı ölkənin regionlarından asılı olaraq dəyişir.
Misal:
Saatlıda 4 hektar sahədə pambıq əkilib. 1 hektar sahədən gözlənilən məhsuldarlıq miqdarı 30 sentner, 1 sentner məhsulun bazar qiyməti 50 manat olarsa, ümumilikdə 6 000 manatlıq məhsul əldə etmək olar. Bu sahənin sığorta haqqı 73,20 manat təşkil edir ( 6000 x 1,22% (sığorta tarifi)). Fermer bu məbləğin yalnız 50%-ni, yəni 36,6 manat ödəyir.
