Hava şəraitinin kəskin soyuması ilə əlaqədar olaraq, Bakının Suraxanı və Xəzər rayonlarında qazın verilişi ilə bağlı müəyyən xırda problemlər yaranıb. Bu barədə Report 9 yanvar tarixində məlumat verib.
Azərbaycan Dövlət Neft Şirkətinin (SOCAR) "Azəriqaz" İstehsalat Birliyinin İctimaiyyətlə əlaqələr şöbəsinin rəisi Eldəniz Vəliyevin sözlərinə görə, bu, lokal problemlər idi:
“Bir neçə evin qaz təminatında problemlər yaranmışdı. Onun bir neçəsi dərhal gecə saatlarında həll olunub. Bir neçəsi də günorta saatlarına qədər həll olunmuş hesab olunur”.
E.Vəliyev ümid edir ki, lokal deyil, daha geniş mənada qaz təchizatında “Azəriqaz”ın problemi yaranmayıb və yaranmayacaq.
