Bakı-Sumqayıt yolunda oğurluğa cəhd edən şəxslər tutulublar. Bu barədə İnsanoid DİN-ə istinadən bu gün, 2 dekabr tarixində xəbər verir.
Dekabrın 1-i saat 22:00 radələrində Bakı-Sumqayıt avtomobil yolunda yerləşən yerüstü piyada keçidinin metal dekorativ borularını kəsərək oğurlamağa cəhd göstərən iki nəfər ərazidə xidmət aparan Binəqədi Rayon Mühafizə İdarəsinin əməkdaşları tərəfindən saxlanılıb.
Onların Füzuli rayon sakini Adəm Şükürov və Şirvan şəhər sakini Məhərrəm Səfərov olmaları məlum olub.
Saxlanılanlar Binəqədi RPİ-nin 6-cı Polis Bölməsinə təhvil veriliblər.
Araşdırma aparılır.
