Bu il noyabrın 1-nə Azərbaycanda qaçqın və məcburi köçkünlərin məskunlaşdıqları şəhərciklərdə istifadə edilən istilik və isti su xidmətlərinə görə 6,48 milyon manat ödənilməmiş borc olub.
Bu barədə 15 noyabr tarixində Report “Azəristiliktəchizat” ASC-yə istinadən xəbər verib.
“Təəssüf ki, bəzi yaşayış binalarında və keçmiş məcburi köçkünlər üçün tikilib istifadəyə verilmiş çoxmənzilli yaşayış komplekslərində ödəniş səviyyəsi ürəkaçan deyil. Məsələn, sözügedən rəqəmlər Nəsimi rayonu, Topçubaşov küçəsi, 23a ünvanında 20,7%, Xətai rayonu, Telnov (Lütfizadə) küçəsi, 7 ünvanında 19%-dir”, - məlumatda bildirilib.
