Qərb bölgəsinin dağlıq rayonlarındakı yüksək ərazilərdə avtomobil yolları buz bağlayıb. Bu haqda İnsanoid dekabrın 5-də Report-a istinadən xəbər verir.
Göygöl, Daşkəsən, Şəmkir və Gədəbəy rayonlarında müşahidə olunan qarlı və dumanlı hava şəraiti səbəbindən bəzi avtomobil yollarında nəqliyyatın hərəkəti qismən çətinləşib.
Dekabrın 3-dən müşahidə olunan yağıntılı hava şəraiti nəzərə alınaraq, aidiyyəti qurumlar tərəfindən yollara qum səpilir, avtomobillərin hərəkətini təmin etmək üçün lazımi işlər aparılır.
"Sürücülərdən xahiş olunur ki, həmin ərazilərdə müşahidə olunan hava şəraitini nəzərə alaraq, sürət həddinə və yol-hərəkət qaydalarına tam riayət etsinlər", - deyə DİN-dən bildirilib.
