Qazaxda xarici ölkədən gətirilmiş narkotik vasitəni onlayn sifariş kimi qəbul edərək ölkə ərazisində çatdırılmasını təmin edən narkokuryerlər saxlanılıblar.
Bu barədə noyabrın 21-də APA xəbər yayıb.
Belə ki, Bakı şəhər sakini, Ümid Rəsulov və Zəngilan rayon sakini Bəhruz Əhmədov sosial şəbəkələr üzərindən əcnəbi vətəndaşla müəyyən məbləğ və narkotik vasitə qarşılığında Qazax rayonu ərazisində gizlədilən narkotik vasitəni götürərək respublikanın digər şəhər və rayonlarına aparmaq barədə razılaşıblar.
Həmin şəxslər saxlanılan zaman onlardan 1 kiloqram 15 qram heroin, 985 qram marixuana və metadon həbləri aşkar edilərək götürülüb.
Faktla bağlı araşdırmalar davam etdirilir.
