Şuşa döyüşlərində ağır yaralanan və 2 ildən çox müalicə olunan qazi Mirdavud Tahirov dünyasını dəyişib. Bu barədə 7 yanvar tarixində Cenublu.az məlumat verib.
O, doğulduğu Astara rayonunun Pensər kəndində dəfn olunub.
Tahirov Mirdavud Asəm oğlu Azərbaycan Pedaqoji Universitetinin tələbəsi ikən Vətən müharibəsinə yollanıb. Onun anası da müharibə vaxtı könüllü olaraq tibb bacısı kimi yaralılara yardım edib.
Qeyd olunub ki, qazi müharibədən sonra “Döyüşdə fərqlənməyə görə”, “Kəlbəcərin azad edilməsinə görə”, “Şuşanın azad edilməsinə görə” medalları ilə təltif edilib.
