Vətən Müharibəsi iştirakçılarına dövlət tərəfindən birdəfəlik sosial sığorta müavinətinin ödənilməsinə görə rüşvət alan şəxslərin cinayət işi üzrə ibtidai istintaq başa çatıb. Bu barədə martın 22-də APA xəbər verib.
İş baxılması üçün Bakı Hərbi Məhkəməsinə göndərilib.
Silahlı Qüvvələrin Baş Klinik Hospitalının sabiq bölmə rəisi Eyvazov Vüsal digər əməkdaş Ağayev Hüseyn vasitəsilə hərbi qulluqçulardan Vətən Müharibəsində aldıqları xəsarət dərəcələrinin təyin edilməsi müqabilində rüşvət alıb.
Onlar cinayət başında Dövlət Təhlükəsizliyi Xidməti tərəfindən tutulublar.
Vüsal Eyvazov ”vəzifəli şəxs tərəfindən təkrar rüşvət alma”, Hüseyn Ağayev isə “təkrar rüşvət almada iştirakçılıq” və digər maddələrlə təqsirləndirilərək həbs ediliblər.
