Türkiyə Prezidenti Rəcəb Tayyib Ərdoğan azərbaycanlı həmkarı İlham Əliyevi Rusiyanı ən yaxşı tanıyan liderlərdən biri adlandırıb. Bu barədə martın 25-də Sputnik Azərbaycan məlumat yayıb.
Türkiyə lideri jurnalistlərə açıqlamasında bildirib ki, Rusiya və Ukrayna arasındakı vəziyyət xarici siyasət işinin əsas mövzusudur.
“Azərbaycan Prezidentinin Türkiyəyə bir günlük səfəri zamanı əsas mövzumuz Rusiya və Ukrayna olub. Onun cənab Putinlə münasibətləri hamıya məlumdur. İlham Əliyev bu müharibənin ən yaxşı təhlilçilərindən biridir. Onunla bu barədə çox açıq və aydın danışmaq imkanımız oldu”, - deyə Ərdoğan vurğulayıb.
Qeyd edək ki, Azərbaycan dövlət başçısı martın 10-da Türkiyədə səfərdə olub.
