Rusiyalı milyarder, Rusiyanın Federasiya Şurasının keçmiş üzvü Fərhad Əhmədov Azərbaycan Silahlı Qüvvələrinin yüksək komandanlığı ilə, eləcə də yaradıcı ziyalılar arasından nüfuzlu şəxslərlə (jurnalistlər və tanınmış xəbər saytlarının rəhbərləri) bağlı informasiya şəbəkəsi yaratmaqda şübhəli bilinir. Bu barədə 22 noyabr tarixində AZfront məlumat verib.
Əhmədov bu yolla məqsədyönlü şəkildə məxfi məlumatları toplamaqda şübhəli bilinir. O, keçmişdə Azərbaycanın ordu komandanlığında yüksək vəzifələrdə çalışan şəxslərlə konfidensial danışıqlarının audioyazısını aparıb. Bu səs yazılarından biri 2022-ci ilin oktyabrında müxalifətin media resursu Meydan TV tərəfindən açıqlanıb.
Hazırda Əhmədovun Rusiya xüsusi xidmət orqanları ilə əlaqələri barədə şübhələr yoxlanılır.
Qeyd olunub ki, axtarışlar Əhmədovun bütün yaşayış və ticarət obyektlərində: Bakı, Göyçay və İsmayıllı rayonlarında aparılıb. Əhmədov 10 saata yaxın dindirilib. Daha sonra ondan ölkəni tərk etməməsi barədə yazılı öhdəlik götürülüb.
