Sabirabadda dəm qazından zəhərlənən bir ailənin 6 üzvü evə buraxılıb. Bu barədə Report 30 dekabr tarixində məlumat verib.
Rayonun Surra kəndi ərazisində həmin kəndin sakinləri - 32 yaşlı Şəfəq Cəbrayılova və onun övladları, 12 yaşlı F.Cəbrayıllı, 10 yaşlı N.Cəbrayıllı, 6 yaşlı K.Cəbrayıllı, 4 yaşlı Y.Cəbrayıllı və 1 yaşı tamam olmayan M.Cəbrayıllı yaşadıqları ünvanda dəm qazından zəhərlənib və Sabirabad Rayon Mərkəzi Xəstəxanasına gətiriliblər.
Onlara ilkin tibbi yardım göstərildikdən sonra evə buraxılıblar.
Faktla bağlı Sabirabad Rayon Polis Şöbəsində araşdırma aparılır.
