Salyanda yol-nəqliyyat hadisəsi baş verib. Bu barədə məlumatı Report-a istinadən veririk.
Hadisə yeni Ələt-Astara magistral yolunda, rayonun Noxudlu kəndi ərazisindən keçən hissəsində qeydə alınıb. Qəza nəticəsində üç nəfər xəsarət alıb.
Belə ki, "Mercedes" markalı avtomobil digər nəqliyyat vasitəsi ilə toqquşub. Qəza nəticəsində Bakı şəhər sakinləri: 65 yaşlı Allahverdiyev Natiq İsrafil oğlu, onun həyat yoldaşı, 64 yaşlı Allahverdiyeva Aidə Kərim qızı və 71 yaşlı Seyfullayev Yadigar Seyfulla oğlu müxtəlif dərəcəli xəsarətlər alıblar.
Yaralılar Salyan Mərkəzi Rayon Xəstəxanasına çatdırılıblar.
Faktla bağlı araşdırma aparılır.
