Şəmkir rayon Polis Şöbəsinin (RPŞ) əməkdaşları Biləsuvar rayon sakinini saxlayıblar. Bu barədə 10 noyabr tarixində Apa.az məlumat verib.
Keçirilən əməliyyat-axtarış tədbirləri nəticəsində özgənin əmlakını gizli yolla talamaqda şübhəli bilinən Biləsuvar rayon sakini, əvvəllər məhkum olunmuş Mirpaşa Rəhimov saxlanılıb.
İstintaq-əməliyyat tədbirləri nəticəsində məlum olub ki, o, cari ilin oktyabr ayında rayonun Dəllər qəsəbəsində yerləşən 3 mağazadan ümumi dəyəri 7610 manat olan nağd pul, kompüter, mobil telefon və tütün məmulatlarını oğurlayıb.
Faktlarla bağlı cinayət işi başlanılıb, araşdırmalar davam etdirilir.
