Şəmkir sakininə balta ilə xəsarət yetirilib. Bu barədə Oxu.az 7 yanvar tarixində məlumat verib.
DİN-in Mətbuat Xidmətinin Gəncə regional qrupunun baş inspektoru Eşqin Qasımovun sözlərinə görə, Şəmkir Rayon Polis Şöbəsinə rayon sakini Elçin Əliyevin baş nahiyəsindən xəsarət alması ilə bağlı məlumat daxil olub.
İlkin məlumata əsasən, E. Əliyev torpaq üstündə əmisi oğlu Səxavət Əliyevlə mübahisə edən zaman xəsarət alıb.
Zərərçəkmiş ifadəsində əmisi oğlunun balta ilə ona xəsarət yetirdiyini bildirib.
Faktla bağlı ekspertiza təyin olunub, araşdırmalar davam etdirilir.
