Şəmkirdə yol-nəqliyyat hadisəsi baş verib. Bu haqda İnsanoid dekabrın 8-də APA-ya istinadən xəbər yayıb.
Hadisə Bakı-Qazax magistral yolunun rayon ərazisindən keçən hissəsində qeydə alınıb. Hərəkətdə olan "Mercedes Vito" markalı mikroavtobusun qarşısına mal-qara çıxıb. Nəticədə mikroavtobus naxırdakı heyvanları vurub.
Qəza zamanı mikroavtobusda olanlar - 1978-ci il təvəllüdllü Səbinə Məmmədova, 1980-ci il təvəllüdlü Samirə Məmmədova, 1982-ci il təvəllüdlü Gözəl Məmmədova və 2012-ci il təvəllüdlü Məhsəti Süleymanzadə xəsarət alaraq xəstəxanaya yerləşdiriliblər.
Yaralıların vəziyyətinin normal olduğu bildirilir. Faktla bağlı araşdırma aparılır.
Qeyd edək ki, qəzaya düşənlər bir ailənin üzvləridir.
