Laçın-Xankəndi yolunun Xankəndiyə aid hissəsində Rusiya sülhməramlıları qurduqları çadırları söküblər. Bu barədə 24 dekabr tarixində Report məlumat verib.
Məlumata görə, əraziyə yük maşınları da gətirilib. Sökülən çadırlar avtomobillərə yığılıb.
Eyni zamanda həmin ərazidə quraşdırılmış konteynerlərdən biri də kran vasitəsilə yük maşınlarına yığılaraq digər əraziyə - Laçın istiqamətinə aparılır.
Bildirilib ki, həmin 3 avtomobilin aksiya keçirilən ərazidən hərəkət etməsinə şərait yaradılıb.
