Azərbaycandakı müvəqqəti Rusiya sülhməramlıları Şuşa-Xankəndi yolunda - azərbaycanlı aktivist və QHT nümayəndələrinin etiraz aksiyası keçirdiyi ərazidə modul tipli yataqxanalar quraşdırmaq niyyətindədirlər. Bu barədə 12 dekabr tarixində Report məlumat verib.
Məlumata əsasən, yataqxanalar “Kamaz” markalı yük maşını ilə əraziyə gətirilib.
Modul tipli yataqxanaların yük maşınından götürülərək yerə qoyulması üçün qaldırıcı kran da gətirilib.
Ehtimal edilir ki, sülhməramlılar aksiyaların gecəyə qədər davam edəcəyi qənaətinə gəliblər.
Modul tipli yataqxanalar şəxsi heyəti qida və istirahətlə təmin etmək üçündür.
[gallery link="file" columns="2" size="full" ids="97550,97551"]
