İndiyə qədər İqtisadiyyat Nazirliyi yanında İqtisadi Zonaların İnkişafı Agentliyinin idarəçiliyində olan Sumqayıt Kimya Sənaye Parkının rezidentləri 5,3 milyard manatdan çox investisiya yatırıb və əlavə 300 milyon manatdan çox investisiya yatırmağı planlaşdırır.
Bu barədə iqtisadiyyat naziri Mikayıl Cabbarov "Twitter"də bildirib.
Onun sözlərinə görə, bu investisiyalarla 2 000-dən artıq daimi iş yerinin yaradılması nəzərdə tutulur.
"Sumqayıt Kimya Sənaye Parkının yaradılmasının 11 illiyidir. Sənaye parkları dayanıqlı iqtisadi artıma, qeyri-neft sektorunun inkişafına və məşğulluğun təmin olunmasına mühüm töhfələr verir. Parkda 6 000-dən çox insan daimi işlə təmin olunub", - deyə nazir qeyd edib.
5,3 mlrd. ₼ #investisiya yatırılıb və 6.000-dən çox insan daimi işlə təmin olunub. Əlavə 300 mln. ₼-dan çox investisiyanın yatırılması və 2.000-dən artıq daimi iş yerinin yaradılması nəzərdə tutulur.
2/2#EconomyAz #İZİA pic.twitter.com/4cWOc1aSto
— Mikayil Jabbarov (@MikayilJabbarov) December 21, 2022
