Şuşada Türk Dövlətləri Təşkilatının (TDT) diaspor məsələlərinə məsul dövlət qurumları rəhbərlərinin forumu keçirilir. Bu barədə 21 dekabr tarixində Report məlumat verib.
Azərbaycan Prezidentinin Şuşa rayonunda xüsusi nümayəndəsi Aydın Kərimov forumda çıxışı zamanı deyib ki, Şuşa ili zəngin tədbirlərlə yadda qalıb: " Bu ilin əvvəlində Dövlət Komitəsinin təşkilatçılığı ilə Şuşada Dünya Azərbaycanlılarının 5-ci qurultayı keçirildi. Dünya azərbaycanlılarını doğma Şuşada qəbul etmək şərəf idi".
Diasporla İş üzrə Dövlət Komitəsinin sədri Fuad Muradovun sözlərinə görə, gələn il Türkiyənin Bursa şəhərində diaspor gənclərinin forumu baş tutacaq.
Forumun sonunda Şuşa Bəyanatı qəbul ediləcək.
Xatırladaq ki, forumun ilk hissəsi dekabrın 20-də Bakıda keçirilib.
[gallery columns="2" link="file" size="full" ids="98781,98782"]
