Ötən sutkada Azərbaycanda 88 yanğına çıxış olub, 5 nəfər xilas edilib. Həmçinin 4 köməksiz vəziyyətdə qalma, 1 yol qəzası və 1 intihara cəhd faktı üzrə əməliyyat həyata keçirilib. Bu barədə martın 29-da Fövqəladə Hallar Nazirliyi məlumat verib.
Goranboy rayonunun Eyvazlılar kəndində fermanın ərazisində olan 3 otaqlı evdə yanğın olub. Alov söndürülüb.
Bununla yanaşı, Gəncə şəhərində “УАЗ” markalı minik avtomobili ağaca çırpılıb. Nəticədə avtomobildə sıxılı vəziyyətdə qalan sürücü xilas edilib.
Bakının Nəsimi rayonunda binanın dördüncü mərtəbəsindən özünü atmaq istəyən şəxsin intihar cəhdinin qarşısı alınıb.
Sumqayıt şəhərində isə 65 yaşlı şəxsin meyiti bağlı qapı arxasında aşkarlanaraq aidiyyəti üzrə təhvil verilib.
