Yeniyetmə taekvondoçulardan ibarət Azərbaycanın milli komandası Avropa çempionatında tarixi uğura imza atıb. Bu barədə İnsanoid Takevondo Federasiyasına istinadən bu gün, 29 noyabr tarixində məlumat verir.
Federasiyadan verilən məlumata görə, yığma Maltanın paytaxtı Vallettada keçirilən yarışı 3 qızıl, 2 gümüş və 3 bürünc medalla başa vurub. Bu göstərici Azərbaycan taekvondo tarixində son 15 ilin rekordudur.
Yarışın sonuncu günündə İlyas Hətəmli, Vasif Səlimov, Elcan Əliyev və Fuad Məhərləmli fəxri kürsüyə qalxıblar.
37 kq çəki dərəcəsində qüvvəsini sınayan Hətəmli startda Ouen Haddaddan (Fransa) güclü olub. Onun uğurunu 53 kq-da çıxış edən Səlimov da təkrarlayıb. 65 kq-da yer alan Əliyev finalda Ahmet Ceylana (Türkiyə) uduzaraq gümüş medalla kifayətlənib. 45 kq çəki dərəcəsində Məhərləmli isə bürünc medal əldə edib.
Milli 8 medalla həm oğlanlar arasında, həm də ümumu komanda hesabında qitənin 3-cüsü olub.
Yığmanın heyətində daha öncə Zəhra İsayeva (29 kq) qızıl, Xuraman Cavadzadə (37 kq) gümüş, Mehdi Budaqlı (33 kq) və Bahadur Dostuyev (49 kq) bürünc medal qazanıblar.
Komandamız noyabrın 30-da Bakıya qayıdacaq.
