Türk Dövlətləri Təşkilatının (TDT) diaspor məsələlərinə məsul dövlət qurumlarının rəhbərləri Şuşa şəhərini ziyarət ediblər. Bu barədə 21 dekabr tarixində Report məlumat verir.
Qonaqlar Şuşada "Güllələnmiş heykəllər"i ziyarət ediblər. Daha sonra Şuşa qalasında olublar.
Diasporla İş üzrə Dövlət Komitəsinin sədri Fuad Muradov nümayəndə heyətinə Şuşanın tarixi, ziyarət olunan yerlər, işğal dövründə ermənilərin şəhərdə törətdikləri vəhşiliklər və hazırda həyata keçirilən tikinti-yenidənqurma işləri barədə ətraflı məlumat verib.
Qeyd edək ki, ziyarətdən sonra diaspor məsələlərinə məsul dövlət qurumları rəhbərlərinin forumu keçiriləcək.
