27 mart Beynəlxalq Teatr Günü münasibətilə teatrlarda açıq qapı günü keçiriləcək. Bu haqda martın 23-də Mədəniyyət Nazirliyi məlumat verib.
"Teatrda bir gün" adlı layihə saat 11:00-dan başlayaraq 17:00-a qədər davam edəcək. Tamaşalar pulsuz olacaq.
Açıq qapı günü Akademik Milli Dram Teatrı, Akademik Opera və Balet Teatrı, Akademik Musiqili Teatr, Akademik Rus Dram Teatrı, Kukla Teatrı və Şuşa Dövlət Musiqili Dram Teatrını əhatə edəcək.
Xüsusi avtobuslar saat 11:00-dan 18:00-dək 28 May metrosu qarşısında duracaq və təyin olunmuş marşrut üzrə hərəkət edərək tamaşaçıları teatrlara pulsuz aparacaqlar.
