84 423 nəfərin adı Əmək və Əhalinin Sosial Müdafiəsi Nazirliyinin "Zəfər" altsisteminə daxil edilib. Bu barədə İnsanoid nazirliyin mətbuat xidmətinə istinadən bu gün, 7 yanvar tarixində xəbər verir.
Hazırda "Veteran adlarının və müvafiq vəsiqələrinin verilməsi üzrə komissiya"sı tərəfindən müvafiq qurumlarla birgə sistemə adları daxil edilən vətəndaşlara "Müharibə veteranı" vəsiqələrinin verilməsi prosesi Bakı şəhəri və respublikamızın digər bölgələrində mərhələli şəkildə həyata keçirilir.
Müdafiə Nazirliyinin Aparatı nəzdində fəaliyyət göstərən komissiya tərəfindən bu günədək "Müharibə veteranı" adı və vəsiqəsinin verilməsi üçün təqdim olunan 4300 nəfərin məlumatlarının dəqiqləşdirilməsi məqsədilə əlavə zəruri sənədlər tələb olunduğuna görə yenidən baxılması üçün geri qaytarılıb, 1042 nəfərə isə Nazirlər Kabinetinin 216 nömrəli qərarının tələblərinə zidd olduğuna görə imtina verilib.
Bundan başqa, 1188 vətəndaşın sənədləri Əmək və Əhalinin Sosial Müdafiəsi Nazirliyinin "Zəfər" altsisteminə daxil edilməsi üçün aidiyyəti komissiyaya yeni təqdim olunub.
"Müharibə veteranı" adının verilməsi təsdiq olunan və adları “Zəfər” altsisteminə daxil edilən vətəndaşlara Azərbaycan Respublikası Prezidentinin aylıq təqaüdünün (80 AZN) təyin edilməsi və 2022-ci ilin yanvarın 1-dən hesablanaraq ödənilməsi təmin olunacaq.
[caption id="attachment_100646" align="alignnone" width="640"]
Foto Müdafiə Nazirliyinin rəsmi saytı[/caption]
