Abşeron rayonunun Xırdalan şəhərində çoxmərtəbəli yaşayış binasında partlayış olub. Bu barədə 3 dekabr tarixində Fövqəladə Hallar Nazirliyinin (FHN) mətbuat xidməti məlumat verib.
Xırdalanda onyeddimərtəbəli yaşayış binasının 3-cü mərtəbəsində yerləşən iki otaqlı mənzilin hamam otağında “Ariston" markalı su qızdırıcısında partlayış baş verib, lakin yanğın qeydə alınmayıb.
Əraziyə FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.
Hadisə nəticəsində mənzilin giriş qapısı və 1 ədəd pəncərə çərçivəsi yerindən çıxıb, hamam otağına ciddi ziyan dəyib. Partlayış nəticəsində xəsarət alan olmayıb.
FHN əməkdaşları tərəfindən ərazidə müvafiq təhlükəsizlik tədbirləri görülüb.
Hadisə ilə əlaqədar aidiyyəti qurumlar tərəfindən təhqiqat aparılır.
[caption id="attachment_96669" align="alignnone" width="640"]
Foto FHN-nin rəsmi Youtube kanalı[/caption]
