Xocavənd ərazisinə müəyyən edilmiş marşrutdan kənar, qanunsuz yollarla daxil olan şəxslər saxlanılıblar. Bu haqda noyabrın 22-də DİN-dən bildirilib.
Belə ki, Füzuli rayon sakini Xanlar Hüseynov və Beyləqan rayon sakini Arzuman Qabilov Böyük Tağlar kəndində atla hərəkət edərkən saxlanılıblar.
Yoxlama zamanı həmin şəxslərin müvafiq icazələrinin olmadığı və nəzarət-buraxılış məntəqələrindən kənar yollarla rayon ərazisinə daxil olduqları müəyyən edilib.
Faktla bağlı Xocavənd RPŞ-də araşdırma aparılır.
