Yaxın günlərdə Azərbaycan hökuməti Fransa Senatı və xalqına ünvanlanmış müraciətə rəsmi şəkildə münasibət bildirməyi planlaşdırır. Bu barədə 10 noyabr tarixində AzFront məlumat verib.
Sözügedən petisiya oktyabrın 11-də Gəncədən olan ictimai fəal Kubra Ələkbərovanın rəhbərlik etdiyi bir qrup sıravi vətəndaş tərəfindən Fransanın Mesopinions.com petisiya saytında yerləşdirilib.
Noyabrın 9-da, yəni bir aydan da az müddətdə bu petisiyaya səs verənlərin sayı 100 000 nəfəri keçib. Bu təşəbbüs həmin saytda bu günədək xarici mövzularla bağlı yerləşdirilən və ən çox rezonans doğuran beş petisiyadan biridir.
İndiyədək Azərbaycan rəsmiləri Bakı, Sumqayıt, Gəncə, Lənkəran, Sabirabad sakinləri olan sadə vətəndaşların bu təşəbbüsünə heç bir reaksiya verməyib.
AZfront-un dövlət departamentlərindən birindəki mənbənin sözlərinə görə, rəsmilər petisiyanı onlarla məşhur azərbaycanlı blogerin dəstəyindən sonra görüblər.
Lakin bundan sonra da dövlət aparatının nümayəndələri onu ciddi qəbul etməyiblər. Onlar bu ictimai təşəbbüsün ölkə daxilində və xaricində belə geniş dəstək alacağını gözləmirdilər.
Və yalnız səs verənlərin sayı 70.000-i ötdükdən sonra müzakirələr başlayıb: buna rəsmi olaraq reaksiya vermək, veriləsi olsa da, hansı yolla etmək lazımdır?!
Çox güman ki, nəticənin necə olacağı cari həftənin sonuna qədər bilinəcək.
Üstəlik, çərşənbə axşamı, noyabrın 15-i Fransa Senatında sözügedən petisiyanın hazırlanmasına səbəb olan anti-Azərbaycan qətnamə layihəsinə səsvermənin baş tutacağı planlaşdırılır.
