Bu gün Azərbaycanın müdafiə naziri general-polkovnik Zakir Həsənov Pakistanın Quru Qoşunları komandanı Qamar Caved Bacva ilə görüşüb. Bu barədə 23 mart tarixində Müdafiə Nazirliyinin rəsmi səhifəsində məlumat verilib.
Görüşdə iki ölkə arasında əlaqələrin, o cümlədən hərbi əməkdaşlıq və strateji tərəfdaşlığın inkişafından danışılıb. Həmçinin Azərbaycan, Pakistan və Türkiyənin iştirakı ilə ikitərəfli, eləcə də üçtərəfli birgə hərbi əməkdaşlığın genişləndirilməsi barədə fikir mübadiləsi aparılıb.
Qeyd edək ki, Zakir Həsənov bu gün Pakistan Günü münasibətilə keçirilən hərbi paradda fəxri qonaq qismində iştirak edib.
