Bakıda hamamlardan birinin fəaliyyəti dayandırılıb. Bu barədə 14 aprel tarixində Fövqəladə Hallar Nazirliyi məlumat verib.
Bildirilib ki, Dövlət Yanğın Nəzarəti Xidmətinin Bakı şəhəri, Binəqədi rayonu, M.Ə.Rəsulzadə qəsəbəsi, Zəngəzur küçəsi, 10 ünvanında yerləşən “Pak məkan hamamı” adlı obyektdə keçirdiyi yoxlama zamanı yanğın təhlükəsizliyi sahəsində çoxsaylı nöqsanların mövcud olduğu, həmin nöqsanların insan həyatı və ya sağlamlığına, ətraf mühitə və dövlətin əmlak maraqlarına birbaşa təhlükə yaratdığı müəyyən edilib.
“Obyektin istismarının davam etdirilməsi nəticəsində orada hər an baş verə biləcək yanğın qısa müddətdə genişlənərək faciəni qaçılmaz edəcək”, - məlumatda bildirilib.
“Pak məkan hamamı” adlı obyektin fəaliyyətinin dayandırılması barədə qərar qəbul olunub və qərarın bir nüsxəsi obyektin nümayəndəsinə təqdim edilib.
[gallery link="file" size="full" ids="112588,112586,112587"]
