Amerika Rəng İnstitutu Pantone 2024-cü ilin əsas rəngi kimi narıncı rəngi seçib (Peach Fuzz). Bu barədə 8 dekabr tarixində "Unikal" quruma istinadən məlumat verib.
İnstitutdan verilən məlumata görə, bu rəng daxili dincliyi, cəmiyyətə, birliyə və sosial əlaqələrə dərin ehtiyacı simvollaşdırır.
Pantone rəng palitrası və standartları hazırlayır, həmçinin brendlərə rəng seçimləri ilə bağlı məsləhətlər verir. İnstitutun əməkdaşları rəngin həyatın bütün sahələrinə necə təsir etdiyini öyrənirlər. Bütün il ərzində institutun əməkdaşları dünyada ən çox hansı çalarlardan istifadə olunduğunu müşahidə edirlər. Beləliklə, institut ilin rəngi olaraq artıq sınaqdan çıxmış rəngi irəli sürür.
Pantone-un icraçı direktoru Leatris Eizemanın sözlərinə görə,şaftalı rəngi insanların sağlamlığının, o cümlədən psixi sağlamlığının vacibliyini vurğulayır.
Pantone 25 ildir ilin rəngini seçir. 2023-cü ilin rəngi qırmızı (Viva Magenta), 2022-ci ilin rəngi isə bənövşəyi-qırmızının alt tonu olan mavi olub (Veri Peri).
