Qida Təhlükəsizliyi Agentliyi çiy dönərin emalı və daşınması ilə bağlı qaydalar müəyyən edib.
İnsanoid.com qurumun mətbuat xidmətinə istinadən xəbər verir ki, çiy dönər qanunvericiliyə uyğun baytarlıq sənədləri ilə müşayiət olunmalı və yalnız qeydiyyatdan keçmiş məntəqələrdən alınan ətlə hazırlanmalıdır.
Emal və daşınma prosesi müvafiq gigiyena qaydalarına və temperatur şərtlərinə əməl olunmaqla həyata keçirilməlidir. Dondurulmuş çiy dönər -18°C və daha aşağı temperaturda saxlanmalı, daşınma 4 saatı keçməməlidir. Çiy dönərin tərkibində müxtəlif heyvan ətləri qarışdırılmamalı və bitki mənşəli zülalların istifadəsinə yol verilməməlidir.
Dönərin bişirilməyə başlandığı andan etibarən yararlılıq müddəti 12 saatı keçməməlidir.
