Cənubi koreyalılar 1 yaş cavanlaşıblar. Bu barədə 28 iyun tarixində Baku TV məlumat verib.
Belə ki, Cənubi Koreyada yeni doğulanların 1 yaşlı sayılması ilə bağlı ənənəvi sistem ləğv edilir. Yeni qanun ölkənin köhnə yaş hesablama metodunu beynəlxalq standartlara uyğunlaşdırır.
Məlumata əsasən, əvvəllər Cənubi Koreyada ən çox istifadə edilən hesablama üsulu çoxəsrlik “Koreya yaşı” sistemi idi ki, bu sistemdə insan doğulanda bir yaşı olur və yanvarın 1-də bir il də əlavə qazanır.
Bu o deməkdir ki, dekabrın 31-də doğulan körpə ertəsi gün iki yaşında olacaq. Doğum tarixinə görə yaş siyahıya almasına keçid iyunun 28-dən qüvvəyə minib.
