COP29 bu il iqlim dəyişikliyi mövzusunda fərqli yaş qruplarından iştirakçıları bir araya gətirərək, yaşından asılı olmayaraq hər kəsə öz qapılarını açıb.
İnsanoid.com-un məlumatına görə, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında, xüsusi diqqət çəkən iştirakçılardan biri də azyaşlı Con olub. Con anası ilə birlikdə tədbirə qatılaraq, iqlim dəyişikliyi mövzusunda gələcək nəsillərin maraqlarını təmsil edir və bu mövzunun uşaqların da diqqət mərkəzində olduğunu göstərir.
Tədbir zamanı Türkiyənin birinci xanımı Əminə Ərdoğan da bu tədbirə görə Azərbaycana təşəkkür edərək gənclərə müraciətində bildirib: "Yer üzünə əmanət gözü ilə baxan, torpağını yurd bilib sahib çıxan gənclər, dünyanı yaşamaq üçün daha yaxşı edən siz olacaqsınız və ən böyük inam, güvən yerimizsizsiniz".
