ABŞ-li iş adamı İlon Maskın sərvəti sahibi olduğu "Tesla" şirkətinin səhmlərinin bahalaşması səbəbindən 26.5 milyard dollar artıb.
Bu barədə Forbes.com məlumat yayıb.
Bildirilib ki, İlon Maskın ümumi sərvəti 290 mlrd. dollara çatıb. Bu nəticə ilə “SpaceX”in yaradıcısı reytinqdə birinci yeri tutmaqda davam edir.
İkinci yerdə sərvəti 228 mlrd. dollarla qiymətləndirilən “Amazon” onlayn pərakəndə satış şirkətinin yaradıcısı Cef Bezos qalır.
Məlumata əsasən, üçüncü yerdə 202 mlrd. dollarlıq nəticə ilə “Meta” korporasiyasının rəhbəri Mark Zukerberq qərarlaşıb.
