Ötən il Bakı şəhərində 91 şagirdin icbari təhsildən yayınması aşkarlanıb. Bu barədə 8 may tarixində Report məlumat verib.
Həmin şagirdlərin valideynləri xəbərdarlıq edilməklə dərsə davamiyyətləri təmin olunub.
Məlumata görə, respublikanın rayonlarını da əhatə edən bu qəbildən tədbirlərlə sosial həssas ailələrin və həmin ailələrdə olan uşaqların siyahısı hazırlanıb, onların təhsildən yayınmasının, qanunsuz əməllərə təhrik edilməsinin və məcburi əməyə cəlb olunmasının qarşısının alınması məqsədilə hər biri ilə fərdi profilaktik iş aparılıb.
