Şamaxının Meysəri kəndində həftəsonu Üzüm və Şərab Festivalı keçirilib. Bu barədə İnsanoid bu gün, 27 noyabr tarixində xəbər verir.
Dövlət Turizm Agentliyi və Şamaxı Rayon İcra Hakimiyyətinin təşkilatçılığı ilə 25-26 noyabr tarixlərində baş tutan festival Şamaxı sakinlərinin və rayonun qonaqlarının böyük marağına səbəb olub.
Tədbirdə bir çox yaddaqalan məqamlar olub.
İkinci dəfədir keçirilən festivalda uzumçülük və şərabçılıqla bağlı təqdimatlarla yanaşı, əyləncə dolu anlar da yaşanıb.
Meysəri kəndindəki “Şirvan şərabları” MMC-nin üzümçülük və şərabçılıq kompleksinin ərazisi sərgi, əyləncə, uşaq, piknik, suvenir və digər zonalara bölünüb, şərab və yemək pavilyonları quraşdırılıb.
