Xəbər verdiyimiz kimi, Fransa prezidenti Emmanuel Makron, Almaniya kansleri Fridrix Merz və Böyük Britaniyanın baş naziri Keir Starmer Ukraynanın paytaxtı Kiyevə qatarla gediblər.
İnsanoid.com xəbər verir ki, üç lider səfər zamanı qatarda lentə alınan görüntülərlə diqqət çəkiblər.
Qərb liderlərinin qatarda narkotik istifadə etdikləri ilə bağlı iddialar yayılıb və bu görüntülər beynəlxalq mediada geniş rezonansa səbəb olub.
Daha sonra AFP və AP kimi nüfuzlu xəbər agentliklərinin yayımladığı yüksək keyfiyyətli materiallar araşdırılıb. İddia olunan "narkotik" maddənin əslində sadəcə əzilmiş salfet olduğu ortaya çıxıb. Merzin də əlində salfet olduğu, Makronun isə kameraları gördükdə masadakı digər əzilmiş salfeti götürərək səmimi pozalar verdiyi bildirilir.
Qərb mediası bu görüntülərlə bağlı yayılan iddialara bu cür aydınlıq gətirib. Bununla belə, onların davranışı istər əsassız, istərsə də əsaslı xəbərlərin geniş şəkildə yayılmasına zəmin yaradıb.
