Paytaxt və bölgələrdə ödəmə terminallarını talayan şəxs saxlanılıb. Bu haqda İnsanoid DİN-ə istinadən bu gün, 30 noyabr tarixində məlumat verib.
Saxlanılan şəxsin terminallardan oğurluq etməsi təhlükəsizlik kameraları vasitəsilə anbaan qeydə alınıb.
Son bir neçə ay ərzində 25-ə yaxın mağazada quraşdırılan ödəmə terminallarını sındırmaqla orada olan maddi vəsaitləri oğurlayan, əvvəllər məhkum olunmuş Qəzənfər Babayev tutularaq istintaqa təqdim edilib.
Aparılan araşdırmalar zamanı onun paytaxtın Binəqədi, Pirallahı rayonları ilə yanaşı, Abşeron rayonu, Sumqayıt şəhəri, həmçinin Tovuz və İsmayıllı rayonlarında müxtəlif şəxslərə məxsus mağazalarda quraşdırılan ödəmə terminallarından oğurluq etdiyi məlum olub.
Qəzənfər Babayevin təkcə Abşeron rayonunun Saray, Masazır, Qobu, Digah və Mehdiabad qəsəbələrində yerləşən 12 mağazada quraşdırılan terminallardan oğurluq etdiyi müəyyən edilib.
Onun barəsində məhkəmənin qərarı ilə həbs qətimkan tədbiri seçilib, istintaq-əməliyyat tədbirləri davam etdirilir.
[caption id="attachment_96186" align="alignnone" width="300"]
Foto DİN[/caption]
