Abşeronda yaşayış binasında partlayış olub, xəsarət alan var. Bu barədə 7 dekabr tarixində Fövqəladə Hallar Nazirliyi məlumat yayıb.
Hadisə bu gün səhər saatlarında baş verib. Yeddimərtəbəli yaşayış binasının 3-cü mərtəbəsində yerləşən və ümumi sahəsi 67 kvadratmetr olan ikiotaqlı mənzilin eyvanında ilkin ehtimala görə, məişət qazının sızması nəticəsində yanğınla nəticələnməyən partlayışın baş verdiyi müəyyən olunub. Hadisə nəticəsində ilkin məlumata əsasən, 1 nəfər xəsarətlərlə xəstəxanaya aparılıb.
Partlayış dalğasının təsirindən mənzilin 1 otağının pəncərə çərçivəsi yerindən çıxıb, giriş qapısına ziyan dəyib.
Hadisə ilə əlaqədar müvafiq qurumlar tərəfindən təhqiqat aparılır.
[gallery columns="4" link="file" size="full" ids="96949,96950,96951,96948"]
